प्रेमी भेट्न छोरा फाल्ने आमा विरुद्ध मुद्धा
१० जेठ ११ महिनाको छोरालाई जंगलमा छाडेर प्रेमीसँग रात बिताउन जाने एक आमा विरुद्ध ज्यान मार्ने उद्योगमा मुद्दा दर्ता गरिएको छ । एघार महिने छोरा भिष्म पौडेललाई जङ्गलमा छाडेर प्रेमी भेट्न गएकी नवलपरासी जिल्लाको गैडाकोट– ३ की मीना पौडेल (परियार) का विरुद्ध पर्वत जिल्ला अदालतमा ज्यान मार्ने उद्योगमा मुद्दा दर्ता गरिएको हो । उनले मुडिकुवा गाविसमा पर्ने सिर्सुवाको जङ्गलमा गत मङ्गलबार दिउँसो ४ बजे छोरालाई छाडेर जिल्लाकै फलेवासमा प्रेमीसँग रात बिताउन गएकी थिइन् । जङ्गलमा फालेको २० घण्टापछि प्रहरीले आफन्तको सहयोगमा बच्चालाई जीवितै उद्धार गरेको थियो ।
मीनाका विरुद्ध उनका श्रीमान् कृष्णबहादुर पौडेलले आफ्नो ११ महिने छोरालाई जङ्गलमा छाडेर मार्ने प्रयास गरेको जाहेरी प्रहरीमा दिएका छन् । प्रहरीले मीनालाई बुधबारनै पक्राउ गरी जिल्ला प्रहरीको कारागारमा राखेको छ । जिल्ला प्रहरी कार्यालय पर्वतले ज्यान मार्ने उद्योगमा मुद्दा दर्ता गरेपछि आजै अदालतबाट अनुसन्धानका लागि १० दिन म्याद थपेको छ । घटनाबारे थप अनुसन्धान भैरहेको जिल्ला प्रहरी कार्यालय पर्वतका प्रहरी नायब उपरीक्षक श्याम अधिकारीले बताए ।
onsnews
Post a Comment