रागिनीको उत्तेजक नृत्य (भिडियो)नेपालीमा एउटा उखानै छ, ‘आफ्नै हात जगन्नाथ’ । यस्तै भएको छ नायिका रागिनी खड्गीका लागि पनि । आफ्नै होम प्रोडक्शनमा तयार भएको चलचित्र ‘नोथिङ इम्पोसिबल’मा रागिनीले आफ्नो चाहना पुरा गरेकी छिन् ।अरुको चलचित्रमा भनेजस्तो भूमिका नपाउँने गुनासो गर्दै आएकी रागिनीले पिता राजेन्द्र खड्गीले निर्देशन गरेको यो चलचित्रमा एक उत्तेजक नृत्य गरेकी छिन् । विश्व चर्चित गायिका साकिराको ‘साकिरा साकिरा’ बोलको गीतमा रागिनीको उत्तेजक नृत्य हेर्न सकिन्छ । चलचित्रमा समावेश गरिएको यो गीतले बजार तताउने विश्वास निर्माणपक्षको छ ।
तर चलचित्रको गीत सार्वजनिक भएलगतै यसबारेमा विभिन्न खालका टिप्पणी पनि उठ्न थालेका छन् । राजेन्द्रले सिनेमालाई सस्तो बनाएको टिप्पणी पनि केही चलचित्रकर्मीले गरेका छन् । तर ‘अक्कल बिनाको नक्कल’ भनेजस्तै रागिनीले भने सकेकै कम्मर मर्काएर साकिरा बन्ने कोशिश यो गीत मार्फत गरेकी छिन् ।
असार २८ गतेबाट प्रदर्शनमा आउन लागेको यो चलचित्रमा रागिनीका छोरा आर्यनले बाइकको खतरनाक स्टन्ड दिएका छन् । यस्तै चलचित्रमा खड्गी परिवारकै बाहुल्यता रहेको छ ।
अब नेपाली चलचित्रकी नायिका रागिनी खड्गीले साकिराको गीतमा गरेको उत्तेजक नृत्य पनि हेर्नुहोस् ।
Post a Comment