फेला पर्यो मोटोपन घटाउने ब्याक्टेरियावैज्ञानिकहरुले मानिसको मोटोपन तथा मधुमेह नियन्त्रण गर्न उपयोगी हुने व्याक्टेरिया पत्ता लगाएका छन् । बेल्जियमस्थित क्याथोलिक युनिभर्सिटी अफ लुभेनका शोधकर्ताहरुले एकरमेन्सिया म्यूसिनीफिला प्रजातिको ब्याक्टेरिया पेटमा हुर्किएर मोटोपन तथा मधुमेहको खतरा कम गर्ने तथ्य पत्ता लगाएका हुन् ।प्रोसिडिंग्स अफ नेशनल एकेडेमी अफ साइन्समा प्रकाशित उक्त शोधका अनुसार अनुसन्धानको क्रममा जिवाणुको त्यो प्रजातियुक्त खाना खुवाएपछि मुसाको स्वास्थ्यमा नाटकीय सुधार आएको थियो ।
वैज्ञानिकहरुका अनुसार त्यो ब्याक्टेरिया पेटको भित्री झिल्लीको संरचना तथा कार्यमा बदलाव ल्याउँछ र खाना पच्ने तरिकामा सन्तुलन कायम गर्छ । यो ब्याक्टेरिया मानिसको पेटमा हुर्किएर मानिसको मोटोपन घटाउन कत्तिको कामयावी हुन्छ भन्ने कुरा पुष्टि गर्न थप अनुसन्धानको आवश्यकता रहेको उनीहरुको भनाइ छ । स्मरण रहोस् मानिसको सरीरमा अनगिन्ती जिवाणु रहेका हुन्छन् र त्यस्ता जिवाणुको संख्या सरीरका कोषको संख्याभन्दा दश गुणा बढि हुन्छ ।
यो ब्याक्टेरिया पनि मानिसको लागि लाभदायी व्याक्टेरिया रहेको भन्दै शोधकर्ताहरुले पेटमा रहने यस्ता विभिन्न व्याक्टेरियाको सन्तुलनले नै मानिसको स्वास्थ्य राम्रो राख्न मद्दत पूराउने बताउँछन् ।
Post a Comment